Posted by: phoulithad | October 4, 2008

ກ່ຽວກັບແຂວງຈຳປາສັກ

ແຂວງຈຳປາສັກ (ອັງກິດ: Champasak) ເປັນແຂວງຫນຶ່ງຂອງປະເທດລາວທີ່ຕັ້ງຢູ່ທາງທິດໃຕ້ຂອງປະເທດ ເປັນແຂວງສຳຄັນທາງພາກໃຕ້ມາຕັ້ງແຕ່ສະໃໝບູຮານ ເປັນທີ່ຕັ້ງຂອງອານາຈັກຈຳປາສັກ ເຄີຍຢູ່ໃນເຂດອານາຈັກຂອມບູຮານ ແຂວງນີ້ເປັນທີ່ຕັ້ງຂອງມໍລະດົກໂລກ ຜາສາດຫິນວັດພູ

ໃນສະໃໝກ່ອນປະເທດຝະລັ່ງຍຶດຄອງ ເມືອງເອກຂອງແຂວງນີ້ຄືເມືອງຈຳປາສັກ ຕັ້ງຢູ່ທາງຝັ່ງຂວາຂອງແມ່ນ້ຳຂອງ ແຕ່ຫຼັງຈາກຝະລັ່ງໄດ້ເຂົ້າມາຍຶດຄອງປະເທດລາວແລ້ວ ກໍຍ້າຍເມືອງເອກໄປທີ່ປາກເຊ ຊຶ່ງຢູ່ທາງເໜືອຈາກຈຳປາສັກໄປ 30 ກິໂລແມັດ ແລະ ຢູ່ທາງຝັ່ງຊ້າຍແມ່ນ້ຳຂອງ ແຂວງຈຳປາສັກນີ້ເປັນທີ່ຕັ້ງຂອງສຸດຍອດທຳມະຊາດຂອງປະເທດລາວມາກມາຍ ເຊ່ນ ນ້ຳຕົກຄອນພະເພັງ ນ້ຳຕົກຜາສ້ວມ ນ້ຳຕົກຫຼີ່ຜີ ເຂດຕິດຕໍ່ຂອງແຂວງນີ້ ທາງຕະເວັນຕົກສາມາດຂ້າມໄປປະເທດໄທທາງຊ່ອງເມັກໄດ້ ແລະທາງໃຕ້ ຍັງສາມາດຂ້າມໄປກັມປູເຈຍທາງເວິນຄາມໄດ້ອີກດ້ວຍ

ແຂວງຈໍາປາສັກ
ຂໍ້ມູນທັ່ວໄປ
ຊື່ພາສາລາວ ແຂວງຈໍາປາສັກ
ເມືອງເອກ ປາກເຊ
ISO 3166-2 LA-CH
ຂໍ້ມູນສະຖິຕິ
ເນື້ອທີ່ 15,415 km²
ປະຊາກອນ 575,600 (2004 ຄາດຄະເນ) ຄົນ
ຄວາມໜາແໜ້ນປະຊາກອນ 24 ຄົນ/km²


ສຳຫລວດ ແລະ ຂຸດຄົ້ນແຮ່ບອກໄຊຕ໌ (Boxite) ຢູ່ທາງພາຍໃຕ້ ແລະ ມີອີກຄະນະຫນື່ງຂອງນັກລົງທຶນຈາກຈີນ ແລະ ຮ່ອງກົງໄດ້ເດີນທາງເຂົ້າມານະຄອນຫລວງວຽງຈັນ ເພື່ອສຳຫລວດຄວາມເປັນໄປໄດ້ໃນໂຄງການເຫມືອງ.
ຫນັງສືພິມວຽງຈັນໃຫມ່: ພິທີເຊັນສັນຍາລະຫວ່າງລັດຖະບານລາວ ກັບ ບໍລິສັດ Asia Economic and Technical Corporation ຈາກເຂດຫຍຸນຫນັນ ແລະ ບໍລິສັດ Hangzhou Jinjiang Group ຈັດຂື້ນໃນວັນທີ 20 ທັນວາ ທີ່ຜ່ານມາ ເພື່ອສຳຫລວດແຮ່ບອກໄຊ ເຊິ່ງກວມເອົາເນື້ອທີ່ 555 ຕາກິໂລແມັດ ໃນເຂດເມືອງປາກຊ່ອງ ແຂວງຈຳປາສັກ.
ບໍລິສັດທີ່ຮັບເຫມົາສຳປະທານຈະສຳຫລວດຂໍ້ມູນທົ່ວໄປໂດຍໃຊ້ເວລາ 12 ເດືອນ ແລະ ອອກສຳຫລວດໃນພື້ນທີ່ອີກ 24 ເດືອນ ມີການລົງທຶນໃນຂັ້ນຕອນນີ້ ປະມານ 4 ລ້ານໂດລາສະຫະລັດ.
ໃນທ້າຍອາທິດດຽວກັນຄະນະນັກທຸລະກິດນັກລົງທຶນຈີນ-ຮ່ອງກົງ ຈາກຮ່ອງກົງໄດ້ເດີນທາງຢ້ຽມເຢືອນລາວ ແລະ ໄດ້ສະແດງຄວາມປະສົບຈະເຂົ້າມາລົງທຶນໃນຂະແຫນງອຸດສາຫະກຳເຫມືອງແຮ່.

ແລະຕາມຂ່າວຈາກ (ຂປລ.) ວ່າ: ຄະນະຈາກຮ່ອງກົງເຊິ່ງນຳໂດຍ ທ່ານ ຈິນປຸຍຊຸງ(Chin Pui Chung) ປະທານ
ສະມາຄົມຕະຫລາດຫລັກຊັບແຫ່ງຮ່ອງກົງ (Stock Exchange Association of Hong Kong) ໄດ້ເຂົ້າຢ້ຽມລາວເຮົາ ເມື່ອວັນທີ 21-23 ທັນວາ ໂດຍມີຈຸດປະສົງຫລັກເພື່ອສຳຫລວດໂອກາດການລົງທຶນເຫມືອງແຮ່.
ຄະນະໄດ້ເຂົ້າຄຳນັບລັດຖະມົນຕີຊ່ວຍວ່າການ ຜູ້ຮັກສາການລັດຖະມົນຕີວ່າການກະຊວງການຕ່າງປະເທດລາວ ທ່ານ ພົງສະຫວັດ ບຸບຜາ ແລະ ດຣ. ບໍ່ໃສຄຳ ວົງດາລາ ລັດຖະມົນຕີວ່າການກະຊວງພະລັງງານ ແລະ ບໍ່ແຮ່ ແລະ ທ່ານ ສຸລິວົງ ດາລາວົງ ປະທານຄະນະກຳມະການແຜນການ ແລະ ການລົງທຶນແຫ່ງຊາດ.

ໃນເດືອນ ມັງກອນ ປີນີ້ ບໍລິສັດ ພັດທະນາເສດຖະກິດລ້ານຊ້າງ ຈຳກັດ, ຂອງລາວກັບລັດວິສາຫະກິດອຸດສາຫະກຳ
ຖ່ານຫິນ-ບໍ່ແຮ່ແຫ່ງຊາດຫວຽດນາມ (Vietnam National Coal-Mineral Industries Group) ໄດ້ຕົກລົງຮ່ວມກັນຈັດຕັ້ງ
ບໍລິສັດໃຫມ່ຂື້ນມາ ເປັນບໍລິສັດຮ່ວມພັດທະນາອຸດສາຫະກຳເຊກອງ (Sekong Industry Development Company)ເພື່ອສຳຫລວດ ແລະ ຂຸດຄົ້ນແຮ່ບ໊ອກໄຊຢູ່ແຂວງເຊກອງ.
ທ່ານ ສີພັນດອນ ພິມສຸວັນ ເຈົ້າຫນ້າທີ່ບໍລິສັດພັດທະນາເສດຖະກິດລ້ານຊ້າງເວົ້າວ່າ: ໂຄງການສຳຫລວດ ແລະ ຂຸດຄົ້ນແຮ່ບ໊ອກໄຊຕ໌ ທີ່ສະເຫນີຂໍອະນຸຍາດນັ້ນໄດ້ກວມເອົາເນື້ອທີ່ 2,400 ໄຮ່ (385 ເຮັກຕາ) ໃນເຂດເມືອງ ແລະ ແຂວງດັ່ງກ່າວ ເຊິ່ງຈະມີການລົງທຶນທັງໂຄງການຫລາຍຮ້ອຍລ້ານໂດລາ.

ຂ່າວສານປະເທດລາວ: ໄດ້ອ້າງລາຍງານຂອງກົມທຸລະນີສາດ ແລະ ເໝືອງແຮ່ໃນເດືອນ ກັນຍາ ປີນີ້ວ່າ ທີ່ຜ່ານມາ
ໄດ້ມີໂຄງການເໝືອງຊະນິດຕ່າງໆ 100 ກວ່າໂຄງການ ຄິດເປັນເງິນລົງທຶນລວມກວ່າ 400 ລ້ານໂດລາສະຫະລັດ ກຳລັງດຳເນີນການຢູ່ໃນລາວ ແລະ ເປັນການລົງທຶນຈາກຕ່າງປະເທດທີ່ໃຫຍ່ເປັນອັນດັບ 2 ຮອງຈາກຂະແຫນງພະລັງ
ງານ.

* ຄັດຈາກ: ຫນັງສືພິມຜູ້ຈັດການ, ສະບັບວັນທີ 27-12-2006

ແຂວງຈຳປາສັກ ພວມສືບຕໍ່ເລັ່ງຂະຫຍາຍຕາຂ່າຍໄຟຟ້າລົງໄປສູ່ຊົນນະບົດ ຕາມໂຄງການຂະຫຍາຍໄຟຟ້າ
ໄລຍະທີ I ໃຫ້ສຳເລັດໃນປີ 2009 ຫຼັງຈາກທີ່ໄດ້ຮັບການຈັດຕັ້ງປະຕິບັດມາແຕ່ປີ 2006 ໃນຈຳນວນ 93 ບ້ານເປົ້າໝາຍ
ເຊິ່ງມາເຖິງປັດຈຸບັນສາມາດປະຕິບັດ ແລະ ເປີດນຳໃຊ້ແລ້ວ 26 ບ້ານ ກ່ອນທີ່ຈະສືບຕໍ່ຈັດຕັ້ງປະຕິບັດໂຄງການຂະຫຍາຍ
ໄຟຟ້າລົງສູ່ບ້ານຕ່າງໆໄລຍະທີ II ມີບ້ານເປົ້າໝາຍ 118 ບ້ານ ເຊິ່ງຈະນຳໃຊ້ທຶນຈາກຫຼາຍຮ່ວງເພື່ອດຳເນີນໂຄງການດັ່ງ
ກ່າວໃນປີ 2009 ໄປຈົນເຖິງປິ 2012 ໃຫ້ສຳເລັດໂດຍຊຸມຊົນເມືອງ ໄດ້ມີການສະເໜີໃຫ້ເລັ່ງໃສ່ບ້ານເປົ້າໝາຍທີ່ຈະສ້າງ
ເປັນບ້ານຈຸດສຸມພັດທະນາ.
ທ່ານ ນິພອນ ວຽງປະເສີດ ກຳມະການພັກແຂວງ ຫົວໜ້າຫ້ອງວ່າການປົກຄອງແຂວງ ໄດ້ຮ່ວມກັບພະແນກ
ການຂອງແຂວງທີ່ກ່ຽວຂ້ອງ ເຈົ້າເມືອງ 10 ຕົວເມືອງ ແລະ ຜູ້ປະສານງານໂຄງການລັດວິສາຫະກິດໄຟຟ້າລາວ ສາຂາ
ແຂວງຈຳປາສັກ ຈັດກອງປະຊຸມຕີລາຄາການປະຕິບັດໂຄງການຂະຫຍາຍໄຟຟ້າໄລຍະທີ I ໃນອາທິດທີ່ຜ່ານມາ ພ້ອມທັງ
ສືບຕໍ່ປຶກສາຫາລື ເພື່ອຈັດຕັ້ງປະຕິບັດໂຄງການຂະຫຍາຍໄຟຟ້າຊົນນະບົດ ໄລຍະທີ II ໃນປີ 2009-2012 ຊຶ່ງມີແຜນການ
ເອົາໄຟຟ້າລົງສູ່ບ້ານຈຳນວນ 118 ບ້ານ ໂຄງການດັ່ງກ່າວ ປະກອບມີທຶນຮ່ວມຂອງລັດຖະບານລາວ 20% ແລະ ທຶນ
ຊ່ວຍເຫຼືອລ້າ 80% ຈາກທະນາຄານໂລກ ຮ່ວງເງິນນ້ຳເທີນ 2 ແລະ ເງິນທຶນສົມທົບຈາກໄຟຟ້າລາວ.
ໃນການປຶກສາຫາລືຄັ້ງນີ້ ບັນດາເມືອງຕ່າງໆ ໄດ້ສະເໜີໃຫ້ໂຄງການຫັນເອົາໄຟຟ້າລົງສູ່ບ້ານທີ່ມີເປົ້າໝາຍທີ່
ຈະສ້າງເປັນບ້ານຈຸດສຸມ ໃນການພັດທະນາເສດຖະກິດ-ສັງຄົມ ບ້ານທີ່ມີສະຖານທີ່ແຫຼ່ງທ່ອງທ່ຽວ ບ້ານທີ່ມີພື້ນຖານ
ການປະຕິວັດເປັນປັດໄຈຕົ້ນຕໍ.

ທີ່ມາ:News From ນ.ສ.ພ ປະເທດລາວ

http://www.doemem.org/vision.html

ກະຊວງພະລັງງານ ແລະບໍ່ແຮ່

ກະຊວງພະລັງງານ ແລະບໍ່ແຮ່

Categories

Follow

Get every new post delivered to your Inbox.